|
|
|
|
|
Gráa tunnan
|
 |
 |
|
|
|
|
|
 Óendurvinnanlegur úrgangur
Einkenni og ástand
Óendurvinnanlegur úrgangur er allt það sem ekki má fara í grænu tunnuna, lífrænu tunnuna eða í annan skilgreindan endurvinnslufarveg. Með því er átt við þann úrgang sem ekki hægt er að skila til endurvinnslu. Dæmi um slíkt er bleyjur, gler, aska. Dæmi um úrgang sem ekki fer í grænu eða brúnu tunnuna en hægt er að endurvinna er t.d. rafhlöður. Stranglega bannað er að setja rafhlöður, spilliefni, eld- eða sprengifim efni í Gráu tunnuna. Slík efni eiga heima í viðurkenndri spilliefnamóttöku og fólk er hvatt til að hafa samband við Íslenska Gámafélagið til þess að fá leiðbeiningar um hvernig skal koma þessum efnum í réttan farveg.
Úrgangnum skal koma fyrir í lokuðum plastpokum t.d. eins og þeim sem notaðir eru undir matvörur og setja í ílátið. Ekki má setja úrganginn beint í tunnuna. Slíkt verður til þess að slæm lykt og ásókn meindýra verður meiri en ella. Einnig er fólki bent á að þrífa tunnuna reglulega til að viðhalda almennu hreinlæti. Nota má umhverfisvæna blautsápu og volgt vatn.
Hvað verður um þennan flokk í Flokkunarmiðstöð Íslenska Gámafélagsins?
Flokkunarmiðstöð Íslenska Gámafélagsins flytur úrganginn á viðurkenndan förgunarstað þar sem úrgangurinn er urðaður. Með því að flokka minnkar þú það sem þarf að fara til urðunar og þar með þörf fyrir að taka meira landsvæði undir sorphauga.
Nýting á afurðinni, er það hægt?
Í sumum tilfellum er það hægt. Íslenska Gámafélagið hefur umsjón með brennslustöðvum fyrir sorp þar sem sorpi er brennt er það gert til orkuvinnslu. Orkan sem myndast við brunann er nýtt til að kynda upp húsnæði eða sundlaugar. Dæmi um slíka brennslustöð er sorpbrennslustöðin á Kirkjubæjarklaustri. Íslenska Gámafélagið mælir ekki sérstaklega með þessari leið nema þar sem sérstakar aðstæður eru fyrir hendi. Á Kirkjubæjarklaustri er t.d. ekki heitt vatn í jörðu og kyndingarkostnaður dýr. Þá var að hluta til kynnt með olíu. Með brennslustöðinni var því verið að koma með eldsneyti sem hefur minni umhverfisáhrif en olíubrennsla og möguleika á að nýta þessa afturð til orkuvinnslu frekar en að urða hana. Með því að flokka endurvinnanleg hráefni í Grænu tunnuna og lífrænan úrgang í Brúnu tunnuna eru íbúar á Kirkjubæjarklaustri að fullnýta öll hráefni og lífrænar afurði úr sorpi sínu með moltugerð. Afgangurinn fer til orkuvinnslu. |
|
|
|
|
